Emerald
Mas pinili kong magpanggap na para bang walang nangyari dahil ayokong magmukhang kawawa sa harapan niya. Kahit sabihin pang parang pinipiga ng malakas ang puso ko nang magkasalubong ang mga mata namin pagkatapos nitong makabalik mula sa overseeing garden.
Hindi ako umimik. Pinigilan ko ang aking hininga at sumunod na lamang nang binuksan niya ang presidential suite gamit ang key card na nahulog ko.
Humugot ako ng malalim na hininga saka ibinaling ulit ang paningin sa pintuan nang may biglang tumunog na buzzer mula doon.
"That's our breakfast," seryoso ang tinig niyang sambit na para bang walang nangyari. Wala siyang konsensya.
Tumalikod naman ako dito saka hinigit ang aking hininga. Hindi ko na napigilang huwag mapakagat-labi habang naglalakad pabalik ng pintuan. Pinipigilan k
