Emerald
Nagtindigan agad ang mga balahibo ko sa katawan nang masilayan ko ang malabong imahe ng nakaitim na lalaki sa harapan ko. Pakiramdam ko tuloy magkakatotoo ang sinabi ni halimaw na may susundo na sa akin papuntang impyerno.
'Huwag mo muna akong kunin, please. Marami pa akong plano sa buhay. At maniwala ka man o sa hindi — hindi bagay sa impyerno ang ganda ko,' bulong ko na may halong takot.
Napabuntong-hininga ako saka mahinang kinusot ang mga mata ko. Hindi ko namalayang nakatulog din pala ako kanina pagkatapos kong uminom ng gamot at makatanggap ng matamis na halik mula kay halimaw. Medyo masakit pa rin ang ulo ko pero ramdam kong kahit papaano bumaba na ang aking lagnat. Medyo masakit pa rin ang mga kalamnan ko pero hindi na ito kasing bigat kanina umaga.
Kung ano man ang iti
