Emerald
SINUBUKAN kong pakalmahin ang sarili ko habang kumakain kami sa mamahaling resto ng beach resort pero hindi pa rin ako mapakali. Hindi ko maipaliwanag ang sakit ng lalamunan ko sa bawat lunok, mabuti na lang at may nakahanda silang menu para sa soft diet kaya hindi kami nahirapang pumili.
Kalahating oras ko na yatang kinakain ang mala-champorado ang kulay na pagkain sa harapan ko pero hindi ko pa rin matapos-tapos. Masarap naman ang lasa, sadyang gumuguhit lang talaga sa bawat lunok ko.
"Beautiful morning, Emerald."
Sabay kaming napalingon nang makitang may gwapo at naka-itim na namang nilalang na papalapit sa kinauupuan namin. Humalukipkip pa si Raz habang emotionless pa rin ang mukha. Kung wala lang sigurong beautiful sa greetings nito sa akin, hindi ko malalaman na maganda a
