Emerald
MUNTIK ko nang mabitawan ang hawak kong tinidor pagkatapos kong mapansin na umigting ang mga panga nito habang nakatingin sa aking likuran. Hindi ko alam kung bakit bigla na lang nagbago ang ekspresyon ng mukha niya habang kanina lamang ay binobola pa ako nito sa pamamagitan ng matamis niyang mga ngiti at malamlam na mga mata.
"Hi, Knight and Emerald!"
Agad akong napalingon nang marinig ang isang pamilyar na boses mula sa likuran namin. Hindi naman ako nagkamali ng hula kung sino ito — si Raz nga ang nasa likuran namin at may hawak itong isang itim na box habang nakasuot ng isang black v-neck shirt at dark brown knee shorts. Sa unang tingin, mapagkakamalan din itong may ka-honeymoon sa Bali dahil sa ayos niya.
"What are you doing here, Bastard?" inis na usal ng halimaw dito.
N
