Emerald
Pagkatapos ng naturang appointment namin sa doktor, tuluyan naming nakumpirma na ipinagbubuntis ko nga ang mga supling namin ng halimaw kong asawa. Sabihin na nating 'MGA' dahil ayon sa pinakahuling resulta ng ultrasound, hindi lang daw isa kung hindi apat na pintig ng puso ang nakita nito sa aking sinapupunan.
At kahit ilang buwan na ang nakalipas, hindi ko pa rin mapigilan na huwag matawa habang pinagmamasdan ang mga taong nasa harapan namin. Pakiramdam ko kasi nagkaroon ng fiesta sa mansyon dahil salitan sa pagbisita ang pamilya nito at ang mga loko-loko niyang mga kaibigan.
Nagmukha akong reyna sa harapan nilang lahat dahil parang hindi sila napapagod na tanungin ako tungkol sa aking cravings o kung anong nararamdaman ko sa aking katawan.
Kung tutuusin, wala naman akong gin
