Emerald
"Salamat sa tulong mo, Sage!" may ngiti sa labi kong sambit habang nakaupo na sa loob ng sasakyan. Mabuti na lang at hinintay din pala ako ng butler ni halimaw kahit parang inabot ng apat hanggang limang oras ang photoshoot namin.
"Anything for you, Emerald!" Kumindat pa si Sage sa akin saka maingat na sinarado ang pinto. Habang umaangat ang bintana, pansin kong kumakaway pa ito bago siya tuluyang naglakad papunta sa mamahalin nitong sports car.
Napabuga na lamang ako ng marahas na hininga pagkatapos kong isandal ang sarili ko sa upuan saka napatitig na lamang sa dinadaan namin. Mabuti na lang at maganda ang view sa daang tinatahak namin kaya medyo napawi ang pagod na nararamdaman ko.
Kahit papaano, alam kong maganda naman ang kinalabasan ng mga kuha ko kasama si Sage. Hindi ko
