Ramdam na ni Emerald ang pamimigat ng mga talukap nang biglang nag-ring ang kaniyang cellphone. Kung kailan ipapahinga na sana nito ang katawan mula sa stress na hatid ni Mr. Saavedra, mukhang may panibago na naman siyang problemang kakaharapin.
Tinatamad na sinulyapan nito ang hawak at nakitang tumatawag ang kapatid na si Sapphire. Kung hindi siya nagkakamali baka may bad news na naman itong sasabihin dahil minsan lang naman tumatawag ang kapatid sa tuwing may problema na namang tinatago sa kanya ang mga magulang nila.
Batid niya naman kasing abala ito sa pag-aaral dahil kasalukuyan nitong tinatapos ang kursong Architecture sa isang tanyag na unibersidad sa kabilang bayan habang tinutulungan din ang bunso nilang kapatid na nasa high school palang.
"Hello? Kumusta na kayo, Sap? May prob
