Emerald
WALA kaming nagawa kung hindi pumayag sa kagustuhan ng lola ni Mr. Saavedra. Ngayon, hindi ko na alam kung dapat ba akong matuwa sa paparating na kasal dahil pre-nuptial palang kakaiba na ang concept na napili nito para sa amin. Ano pa kaya kung motif at venue na ng kasal ang pag-uusapan? Baka hindi masunod ang kagustuhan nitong maging pribado ang kasal namin dahil ayaw niyang maikasal kami sa harapan ng mga kakilala niya.
Nakangiti nang matamis sa amin ang lola niya nang mag-umpisa na ang suggestions nito kung saan gaganapin ang photoshoot naming dalawa.
"I think Bali is the best," may excitement nito sambit.
Ilang segundo kaming natulala sa narinig. Gusto ng lola niyang maging daring ang pre-nup namin tapos sa isang sikat na beach ito gaganapin? Masyado naman yatang malaki an
