الفصل الخامس

3796 Words

#احببتها_صعيدية الفصل الخامس ............................... تليفون الحاج كرم رن الحاج كرم :: ايوة يا ولا يا سامبو سامبو :: الحجني يا معلم كرم الحكومة طبت علي المكان والانفار اللي بتطلع الحاچة ض*بت نار عليهم ف الحكومة جتلتهم الحاج كرم :: بتجول اية الحكومة كبست علي الدار والرچالة اللي شغالين اتجتلو ف ض*ب نار مع الحكومة يا واجعة طين وانت كت فين يا هباب البرك مش جايلك تجف مع الرچالة. سامبو :: في واحد غريب الرچالة مسكوة چمب الدار لما شافهم بيخرجو صندوج عشان يحطوة ف العربية ف مسكوة وحبسوة جوة البيت وهبابة ولجينا واحد متلتم فضل يض*ب نار ودخل الدار خد الراچل الغريب وخرچ بية وبعدها الحكومة كبست علينا وانا كت خرجت بعيد . الحاج كرم :: اخفي دلوك يا ولد المحروج لحد ما اشوف هيحصل اية و انا هكلم البية الكبير واشوف اية العمل . ........................ عصام قاعد في الأوضة بتاعتة وحاطط ايده علي راسة و عمال يبكي زي العيال الصغيرة دخلت عليه زينب مراتة واول ما شافتة عمال يبكي خبطت بأيدها علي ص*رها مالك ياابو امير بتبكي ليه كفانا الشر؟ عصام :: ماليش يا زينب انا بس عيني اطرفت زينب :: اهي عليا انا بردو يا ابو امير اشحال لو مكنتش مراتك .. مالك ياخويا .. لو علي الحاج فالحمد لله اطمنا عليه واهو بجي كويس وفايج وواعي للدنيا عصام انفجر من العياط زي العيال ورمي راسة في حضن مراتة وحكي ليها الكلام اللي الحاج نعمان قالهولة زينب :: اخص عليا ياعم الحاج نعمان بقي ده كلام يتجال بردو وانت ياخويا متزعلش نفسك طالما الحاج جالك ان امك ربنا يرحمها ست شريفة وعفيفة انت مزعل نفسك ليه عصام :: اه لو بس اعرف مين الكلب ده وفين اراضيه زينب :: وانت يعني لو عرفتة ولو عملت اللي في دماغك هتستفاد ايه غير انك تصحي حكاوي جديمة ماتت واتنست ومش هينوبك غير الفضيحة والجرسة والناس مش هتصدج ... اسكت ياخويا وخلي اللي فات مات وماتنبش تاني فيه ......................... احمد دخل البيت من غير ما حد يحس بية وطلع اوضتة ودخل بص ف المرايا الجرح اللي ف دماغة لاقة سطحي ومش باين وسط الشعر ف طهرو وفضل يفتكر كل اللي حصل وهو مش فاهم حاجة ولقي نفسة عمال يفكر ف الست المتلتمة اللي رغم انها كانت بتحاول تغير صوتها علشان يبان انة قووي صورة عينيها مش راضية تفارق خيالة رغم الاضاءة الضعيفة الا أن عنيها قدرت ترمية بسحر عجيب سيطر علي عقلة وسرق من عينية النوم ازاي العيون دي تقدر تكون بالقوة والشجاعة دي فضل يا يفكر يا ترا هي مين وانقذتة لية وازاي اصلا ست تقدر تدخل علي ناس كدة وتض*ب نار خصوصا انهم ف الصعيد يعني الستات مش بتخرج من البيت اساسا بدا يفكر انها ممكن تكون مع الناس اللي مسكوة لكن رفض الفكرة لانها مستحيل تكون معاهم وتعمل معاة كدة فضل سهران بيفكر فيها لحد النهار ما طلع .............................. ڤيلا الحاج كرم الصبح سامية دخلت اوضة هجر تصحيها . سامية :: اصحي يا ست هجر البلد كلها مجلوبة والحاج كرم من الصبح وهو طايح ف الكل ولا علي حامي ولا علي بارد هجر صحيت :: جوليلي حصل اي وانا نايمة سامية :: البلد كلها مالهاش سيرة غير الرجالة اللي اتجتلو ف شرج البلد من الحكومة وهما بيطلعو مساخيط من بيت مهجور ف النواحي دي هجر :: بس كدة مفيش حاجة تانية ؟ سامية :: بيجولو واحد من الرجالة اللي ما اتجتلتش كان بيصرخ بيجول عفريتة بت الجبل خرجت من المجبرة ولعنتها حلت ع الكل . هجر ابتسمت وافتكرت اللي حصل ** فلاش باااااااااااااااااااااااااااااااااك***** بعد احمد ما مشي بالحصان رجعت هي تض*ب نار من كذا اتجاة علشان متخليش الرجالة يهربو لانها كانت مبلغة الشرطة والمفروض كانو يوصلو ف اي لحظة واحد منهم ض*بتة ف رجلة مكانتش بتقتل هي كانت بتض*ب ف الرجل بس . وقربت منة اخدت سلاحة الراجل بتوسل :: ارحمني ماتجتلنيش انا عندي عيال . هجر مغيرة صوتها :: وانت مرحمتش عيالك وانت بتفتح المجابر وتسرج المساخيط وتجيب ا****ة عليهم الراجل بخوف :: انت مين هجر :: انا بت الجبل ا****ة اللي خرجت علشان تحرج البلد كلها وراحت ض*بتة علي دماغة بكعب السلاح راح اغمي علية كانت عارفة أن العامل النفسي مهم جدا وهيبقي لية تاثير كبير بعدين *****باااااااااااااااااااااااااااااااااك ***** هجر :: طب يا سامية روحي اكلي اصيل ف الإسطبل تعب ليلة امبارح معايا سامية بقلق :: امرك يا ستي ولو اني خايفة عليكي من البيت بتعملية دة انا معرفهاش انتي عايزة اية بس انت افد*كي برجبتي كفايا انك كنتي متكفلة بعلاج امي الله يرحمها لولا ربنا افتكرها ج بل ما تعمل العملية اللي كنتي ناوية تعمليهالها هجر :: ربنا يرحمها ماتجوليش كدة يا بت ويلا روحي شوفي وراكي اية واي اخبار جديدة تيجي تجوليهالي طوالي . سامية :: امرك يا ستي . ..................................... ڤيلا الحاج نعمان في البيت الصبح بدري الحاج نعمان صحي من النوم بعد الفجر علي طول. قام لبس هدومة وحست بيه الحاجة امينة الحاجة امينة :: ايه ياحاج رايح فين بدري كدة الحاج نعمان :: رايح اشوف الفلاحين اللي شغالين في الأرض وبعدين رايح اعدي علي النجارين اشوفهم وصلوا لغاية فين. انتي ناسية أن الوجت بيجرب علي جواز بناتك الحاجة امينة :: ماشي يا اخويا تروح وترجع بالسلامة اما اجوم اعملك كوباية لبن تفطر بيها الحاج :: لا متتعبيش نفسك انا ماشي علي طول هبقي افطر في الأرض الحاج نعمان مشي والحاجة كملت نوم والحاج نعمان حسن انة خف من مرضة واستعاد صحتة وندم اشد الندم علي كل كلمة قالها ل ابنة عصام مع انة استريح من جواه انة شرح ل ابنة الحقيقة. وانة يسمع منة احسن ما يسمع من الغريب بس مقدرش يقول ل ابنة علي الشخص اللي طلع السمعة السيئة علي امة لانة خايف من ردة فعل عصام ساعتها . الحاجة صحيت وطلعت كانوا بناتها وحريم ولادها صحيوا وعصام وحسين كمان صحيوا الحاجة امينة :: صباح الخير يا ولاد :: صباح الخير يا حاجة / ياما الحاجة :: حضرو الفطار يا اسماء انتي وزينب وانتي يا الهام روجي طربيزه السفرة حسين :: امال ابويا مصحيش ولا ايه الحاجة :: لا ابوك صحي من الفجر وراح علي الأرض عصام :: بدري كدة ؟ الحاجة :: محدش صحي احمد ولا ايه ياولاد رشا :: اطلع اصحيه انا ياما الحاجة :: لا خليكي انتي انا هطلع اصحيه طلعت الحاجة علشان تصحي احمد فتحت باب الشقة وبقت بتنده من بعيد علي احمد فضلت تنده كتير والغريب ان احمد مش بيرد علي الحاجة الحاجة بدأت تقلق وبدأت تمشي بخطوات بطيئة ناحية الأوضة ولما وصلت للأوضة اللي كانت مفتوحة شافت احمد قاعد سرحان الحاجة امينة بقلق :: مالك يا احمد انت بخير يا ولدي ؟ احمد :: مفيش حاجة يا حاجة انا كويس الحاجة امينة :: احكيلي يا ولدي فية اية انت مش جلت اني ف مجام امك الله يرحمها احمد بتردد :: الله يرحمها ويغفرلها الصراحة يا حاجة مش عارف اقولك اية الحاجة امينة :: جول اللي جواك يا وادي وماتخافش من حاجة احمد :: بصراحة انا مش عايز اتجوز اشواق بنت عمي الحاجة امينة اتخضت :: انت بتجول اية يا احمد البت مخطوبالك من وانتو عيال والبلد كلها عارفة انها خطيبتك ومفيش حد كان يستجري يتجدملها علشان مخطوبالك احمد :: يا حاجة انا مخطبتهاش برضايا ابويا الله يرحمة وعمي هما اللي اتفقو عليةكدة زمان وانا كنت يدوب لسة عيل صغير ما اوعاش حاجة الحاجة امينة :: انتي واعي يا احمد للكلام اللي بتجولة دة عمك الحاج لما يعرف هيطربج الدنيا ولا اشواق ياحبة عيني هتن**ر فرحتهااللي مستنياها بجالها سنين وفرحت برجوعك اخيرا علشان تتجوزو ونجول اية ل اهل البلد بعد ما الخبر اتعرف أن فرح اشواق مع اختها الهام يجولو اية علي البت اللي خطيبها رجع من السفر وسابها بعد ما حددو معاد الفرح احمد :: يا حاجة افهميني انا حاولت والله اقرب منها واتقبلها ومقدرتش ومش هينفع اكمل معاها وانا مش حاببها انا عمري ما شوفتها اكتر من اخت ليا الحاجة امينة :: خلاص يا احمد انا مهدللش علي بتي ومن دلوجتي مالكش صالح بيها ومعادتش تشتغل ف العيادة معاك تاني بعد النهاردة وانا هكلم عمك الحاج واشوف رائية اية ........................... تليفون الحاج كرم رن الحاج كرم :: ايوة يابيه .. يامساء الورد ايه تمام تمام .. ماشي يابيه من بكره همشي في خطوات الأنتخابات حاضر ايوة اومال ايه انا هعمل دعاية في كل شبر في البلد منحرمش منك وكلة بنفس ساعتك يابيه مع الف سلامة . مع الف سلامة انت يازفت يا سامبو.. انت يابجرة سامبو :: ايوة ياحاج كرم اؤمرني الحاج كرم :: عايزك تفتح دماغك معايا اليومين اللي جايين .. خلاص باب الترشح للأنتخابات اتفتح ومن الليلة عايزين نعمل الدعاية اللازمة ونعدي علي وجهات وكبارات البلد علشان ناخد دعمهم سامبو :: اللي هتؤمرني بيه هعملة بقولك ايه روح شوفلي البت سامية فين سامبو :: حاضر ياحاج ......... ............................ من الجهة التانية الحاج كرم نزل يلف في البلد علي كل العائلات الكبيرة علشان الدعاية الأنتخابية وبرغم انة كان عارف نفسة ناجح ناجح بالغش والتزوير والفلوس الا انة كان حابب يظهر لكل اهل البلد وطبعا في الايام دي بقي بيساعد ناس ويخدم كل اللي له مصلحة في سبيل انهم يقفوا معاه ويروحوا ينتخبوه وكان فاضل علي التصويت في الأنتخابات بردو اسبوع ويمكن ده كان في مصلحة الحاج كرم لان العمدة والحاج نعمان اهم اتنين كان ممكن يقفوا له في الأنتخابات هما لكن من حسن حظة انهم كانوا منشغلين في تحضيرات الفرح بتاعة عيالهم ................ الحاجة امينة :: بت يا فتحية .. انتي يابت يافتحية الهام :: فتحية في الزريبة ياما بتأكل الفراخ الحاجة امينة :: طيب روحي اندهي عليها علشان عايزاها توصل لسعدية الخياطة تشوفها خلصت الكام جلبية بتوعتكم انتي واختك ولا لا الهام :: حاضر بس اخلص بس الكام طبج اللي في ايدي وبعدين اروح انده عليها الحاجة بعصبية :: لا روحي اندهي عليها الاول وبعدين ارجعي كملي غسيل زينب :: يامرات عمي انا هغسل كام هدمة لعصام جوزي مفيش غسيل عند*كم عايز يتغسل الحاجة :: اه يابنتي اطلعي الأوضة فيه كام جلبية علي كام غيار بتوع الحاج عايزين يتغسلوا زينب :: حاضر من عنيا يا حاجة بس انتي رووجي كدة مالك مضايجة ع الصبح لية الحاجة :: تسلم عنيكي يا زينب مفيش يابت فتحية :: ايوة يا حاجة انتي بعتيلي ؟ الحاجة :: ايوة يا فتحية عايزاكي تلبسي وتروحي لسعدية الخياطة وتشوفيها خلصت الهدوم ولا لا فتحية :: حاضر يا حاجة اسماء :: فتحية بقولك ايه عايزاكي تجبيلي حاجات معاكي وانتي بره بالمرة فتحية :: عايزة ايه اجبهولك ؟ اسماء :: بصي انا عايزاكي تجبيلي البتاع ده اللي بيتحط منة علي الشفايف معرفش اسمة ابصر ايه كدة فتحية :: ايوة ايوة روج ده اسمة روج اسماء :: ايوة هو البتاع ده وكمان فيه بودره كدة بتخلي الوش ينور ويلعلط كدة عايزة منها دي فتحية :: حاضر يا اسماء من عنيا ياختي الحاجة امينة :: خدي يابت يا اسماء انتي وفتحية .. هو ايه البتاع ده اللي بتقولي عليه ده فتحية :: ههههههه ده اوحمر شفايف ياحاجة الحاجة :: ايوة ايوة عرفاه بقولك ايه خدي يابت الفلوس دي وهاتي لكل نساوين البيت وهاتي كمان للعرايس شوية حاجات كدة علي زوجك علشان ليلة دخلتهم يبقوا جمرات كدة كيف عرايس البندر فتحية :: بس كدة حاضر بس الفلوس دي جليلة اوي الحاجة :: خلاص استني هطلع اجبلك فلوس من فوج الحاجة طلعت جابت فلوس لفتحية من فوق ونزلت فتحية راحت اشترت كل الطلبات وطبعا اشترت لنفسها اكتر حاجة وبعدين عدت علي الخياطة وجابت منها الهدوم وهي راجعة عدت علي صاحبتها سامية فتحية :: سلام عليكم سامبو :: وعليكم السلام .. الست فتحية ازيك فتحية :: تمام نحمد ربنا .. امال فين سامية سامبو :: في اوضتها تعالي اود*كي ليها سامية :: فتحية .. ازيك ياحبيبتي فتحية :: تمام .. انتي عاملة ايه .. امال مش بتعدي عليا يعني سامية :: مانتي اكيد عارفة ان الحاج كرم نازل الأنتخابات وانا مش فاضية كل شوية عزومات ووجع جلب فتحية :: ايوة عرفت .. ربنا يعينك سامية :: عاملة ايه مع جوزك .. عملتي اللي جولتلك عليه ؟ فتحية :: اهو عملت اللي جولتيلي عليه وخنصرت من ورا الحاج مبلغ 10000جنيه بس انا خايفة ل يعرف وساعتها طلاجي هيبجي علي يدك. سامية :: المهم شليهم في مكان الدبان الازرق ميعرفش طريقهم فتحية :: مانا ناوية اعمل كدة سامية :: مجولتيش لسة محبلتيش يابت فتحية :: لا لسة بس فاتحت الحج في الموضوع ده وهو معندوش مانع سامية :: امال ايه اللي معطلك لغاية دلوقت فتحية :: لسة ربنا مأردش سامية :: بت يافتحية جوزك شكلة عجز وخلاص مش هيخلف فتحية :: يالهوي ... طب وبعدين سامية :: مفيش غير حل واحد بس انتي ممكن متقبليش بيه فتحية :: ايه هو سامية :: تخلفي من غيرو .. هو ده الحل الوحيد فتحية :: اخلف ازاي من غيرو يا مقصوفة الرجبة انتي سامية :: يعني تشوفي حد امين .. تشاغليه وتوجعيه في حبك وتحبلي منة وتفهمي جوزك انك حامل منة طبعا فتحية :: يالهوي .. انتي عايزاني اغلط مع راجل في الحرام سامية :: الضرورات تبيح المحزورات ياحبيبتي .. انا جولتلك علي الحل وانتي حرة... مش احسن ما تلاجي نفسك رجعتي خدامة بعد عمر طويل فتحية سرحت شوية فجاءة الباب اتفتح عليهم وسامبو دخل عليهم الأوضة سامية :: في ايه يا منيل علي عينك .. مش تخبط قبل ما تدخل.. ايه عايز ايه سامبو :: مفيش بس انا سمعت كل كلمة اتجالت بينكم فتحية :: يالهوي يالهوي سامبو :: ايه رائيكم ان انا اللي هحبل يافتحية ؟ فتحية :: انت بتجول ايه يامجنون انت سامية :: انت اتجننت يا ولاا ؟ ساميو :: بصوا بقي من الاخر انا فتحية عجباني وانا سمعت الكلام اللي ممكن يود*كم في داهية انتوا الأتنين.. يا كدة .. ياهروح للحاج نعمان وافضحها سامية :: سامبو. مينفعش الكلام اللي بتقولوا ده سامبو :: انا جولت اللي عندي وجدامكم فرصة اسبوع ... يا توافجي ياست فتحية .. يا اروح لجوزك احكيله علي كل اللي سمعتة.. اسيبكم انا فتحية :: عاجبك كدة ... يخرب بيتك ياشيخة يخرب بيتك سامية :: طب وفيها ايه .. والله فكرة علي الأجل سامبو مننا وعلينا فتحية :: انتي بتجولي ايه .. منك لله ياشيخة منك لله .............. فتحية من ساعة ما روحت البيت وهي رايحة جاية في الأوضة بتاعتها وعمالة تلطم علي وشها ومش عارفة تعمل ايه في المصيبة اللي اتحطت فيها سامبو لو مسمعتش كلامة ممكن يفضحها وساعتها الحاج ممكن يقتلها لانها حطت راسة في التراب ودنست شرفة فتحية :: طب انا اعمل ايه ياربي دلوجت علي اخرة الزمن اغلط مع كلب السكك دة .. وكمان اخلف منة .. ولو رفضت هيعملي مصيبة اروح فين واجي منين ياربي ...................... ........... في العيادة ........... الدكتور وجدي :: بقولك ايه يانعمة انا عايز اتكلم معاكي شوية بعد ما تخلصي الكام الحالة اللي وتحجزي ليهم تعاليلي الاوضة بتاعتي نعمة :: حاضر اشواق خرجت من عند احمد ودخلت الحالة اللي عليها الدور نعمة :: اشواج بجولك ايه الدكتور وجدي عايزني في موضوع معلش ابي دخلي الحالات ولو حد عايز يحجز ابجي احجزيلة انتي اشواق :: ماشي يا حبيبتي .. اه نسيت اجولك احمد كلم صاحبة اللي جولتلك عليه نعمة :: بجد طب هيرد علي احمد امتي اشواق :: مش عارفة بس احمد جالي ف خلال اليومين دول هنعرف عن جوزك ان كان عايش ولا بعد الشر نعمة :: ربنا يخليكي يا اشواج ويخلي احمد خطيبك .. منحرمش منكم اشواق :: والله ما انا عارفة خطيبي ازاي وهو مش هيتكلمش معايا غير ف الشغل ولا حتي مرة جالي كلمة حلوة تبل الريج وطول الوجت سرحان ولما اكلمة علي حاجة تخص چوازنا يغير الحديت كلة نعمة :: اعذرية بردو يابت العيادة والشغل وهو يعتبر غريب عن البلد ولسة محدش علي العيشة هنا بردو صعب علية ماهو طول عمرة ف بلاد برة ربنا يهدي سركم يا حبييبتي ....................... نعمة دخلت اوضة الدكتور وجدي نعمة :: خير يا دكتور وجدي قام من علي مكتبة وقرب من نعمة وحط ايده علي كتف نعمة اللي اول ما لمسها حست بكهربا في كل جسمها وجدي :: هتفضلي لغاية امتي مخبية مشاعرك ناحيتي نعمة بتوتر وارتباك وودت وشها الناحية التانية وقالت مشاعر ايه يا دكتور وجدي .. عيب كدي انا ست متجوزة وجدي حط ايده تحت دقن نعمة وخلاها لفت وشها ناحيتة انا عارف انك بتحبيني وعايزة تقربي مني بس انتي في كل مرة بتمنعي نفسك مع ان من جواكي حاسة نفس احساسي .. انا عارف انك متجوزة. بس انا مش قادر امنع مشاعري بصي في عيني يا نعمة وجاوبيني .. بتحبيني ولا لا نعمة نزلت وشها للأرض ......................... الدكتور احمد ض*ب الجرس علشان اشواق كانت بره بتتكلم مع اختها نعمة وبيتسايرو مع بعض اشواق :: ايوة يا احمد احمد :: مفاجئة يا اشواق عارفة مين لسة مكلمني اشواق :: مين .. صاحبك الدكتور اللي في العراق احمد :: ايوة هو وتعرفي قالي ايه اشواق :: جالك صابر مات ...؟ احمد :: لا ده عايش وكان ايه متهني .... كان متجوز من هناك واحدة غنية اوي نصب عليها و بعدين قتلها لما عرف انها بتخونة وهو دلوقت محكوم عليه بالمؤبد وبعتلي صورة من حكم المحكمة اشواق :: يالهوي .. بجي الواطي اتجوز عليها .. وهي اللي جاعدة ومستنياه وصابرة احمد :: طب احنا المفروض دلوقت هنعمل ايه اشواق :: لازم ابويا يعرف .. بس نعمة متعرفهاش حاجة دلوقت .. لما نشوف ابويا هيجول ايه احمد :: عندك حق .. انا همشي دلوقت اروحلة المحل اشواق :: ماشي وانا مش هجول حاجة لنعمة احمد مشي راح المحل وهناك لقي عصام هو اللي قاعد في المحل احمد :: السلام عليكم .. ازيك يا عصام عصام :: وعليكم السلام .. خير يا احمد يعني سايب العيادة فيه حاجة ولا ايه احمد :: لا بس جاتلي اخبار عن صابر جوز اختك عصام :: يا راجل .. اخبار ايه طمني .. هو عايش ولا ميت احمد :: لا عايش يا سيدي بس محبوس هناك واخد حكم مؤبد علشان قتل مراتة عصام :: مراتة .. انت هتجنني .. مراتة ماهي اختي وعايش هنا معانا يبجي جتلها ازاي احمد :: لا ماهو اتجوز واحدة عراقية غنية اوي نصب عليها في الفلوس وبعدين عرف انها كانت بتخونة فاراح قتلها عصام :: يابن الكلللللللللللب ... بجي اتجوز علي اختي احمد :: المهم دلوقت الحاج فين عصام :: وصل للبيت وبعدها هيروح مشوار كدة احمد :: اما الحقة في البيت قبل ما يمشي احمد راح البيت وكانت الحاجة امينة قاعدة بتقطف الملوخية وزينب راحت تزور امها واسماء راحت معاها علشان وهما راجعين هيشترو شوية طلبات ليهم و فتحية نايمة في اوضتها احمد :: حاجة امينة اومال الحاج فين الحاجة امينة بضيق :: احمد ؟ في حاجة ولا ايه مش عوايدك يعني تسيب العيادة في الوقت ده احمد :: لا ابدا انا بس كنت عايز الحاج كدة في موضوع الحاجة امينة :: الحاج مشي من شوية احمد :: طيب همشي انا الحاجة امينة :: استني يا ابني احكيلي في اية وحكي ليها علي موضوع جوز بنتها صابر . الحاجة امينة :: انا مش هجدر اجولة علي حديتك بخصوص اشواج كفايا علية دلوجتي مصيبة . ..................................... ................ في بيت الحاج كرم. الفلاحين كلهم متجمعين في بيتة وعمالين يزعقوا مع سامبو علشان عايزين يقابلوا الحاج كرم اللي ضحك عليهم واشتري من الارض بحجة انها ارض بور وانها طلعت محطوطة في كردون مباني وان السعر بتاعها بقي بماليين وانة اداهم ملاليم سامبو :: الحاج كرم مضحكش علي حد فيكم انتوا اللي جيتوا هنا برجليكم وكنتوا هتبوسوا رجليه علشان يشتري منكم الأرض الفلاح سعيد :: لا الحاج كرم ضحك علينا وهو اشتري الأرض اكيد علشان عارف ان الأراضي بتاعتنا دخلت كردون مباني الفلاح علوان :: ايوة ضحك علينا .. اشمعني الاراضي بتاعتنا بس من دون الارضي كلها اللي بارت فجاة كدة وهو اشتراها سامبو :: محدش ض*بكم علي ايدكم ولا راح ليكم وجالكم والنبي تعالوا بيعولي الارض الفلاح بكري :: احنا مش هنمشي من هنا غير لما نجابل الحاج كرم يا اما هنطلع من هنا علي دوار العمدة وهو يجبلنا حجنا سامبو :: الحاج كرم مش هنا .. واعلي ما في خيلكم اركبوه .. الحاج كرم مش هيخاف من العمدة بتاعكم الفلاح علوان :: بجي كدة .. ماشي ياسامبو .. هنروح للعمدة الفلاحين لموا نفسهم وراحو لدوار العمدة وحكوا ليه علي موضوع الارض العمدة :: وانتوا بجي جايين ليا ليه ؟ الفلاح علوان :: علشان تجف معانا ياعمدة وتجبلنا حجنا العمدة :: هو كان حد فيكم جه وشارني جبل ما يبيع .. بعد ما الفاس وجعت في الراس جايين جري ليا الفلاح سعيد :: كنا هنعمل ايه واحنا شايفين بعنيننا الارض بارت وباظت. وهو الوحيد اللي كان هيشتري مننا الأرض ويلحجنا من المصيبة اللي كنا فيها العمدة :: ولحجكم ؟ هي الحداية بتحدف كتاكيت ياولاا ياسعيد ماهو لو كان فيكم واحد بس شغل دماغه كان عرف ان ده ملعوب اتلعب عليكم وانتوا بجهلكم اديتو له الأرض علي طبج من دهب الفلاح علوان :: ملوش لازمة التجطيم دلوقت ياعمدة .. اللي حصل حصل واحنا دلوجت جايين ليك علشان تغتنا من الحاج كرم العمدة :: اغيتكم ازاي يا ولاد .. انتوا بعتو وهو اشتري وفيه عجد بينكم يعني كلة قانوني ومحدش فينا له عنده حاجة علي العموم انا هجعد معاه واشوف هوصل معاه لايه ................... بالليل بعد ما الحاج نعمان رجع من بره الحاجة امينة قالتلة علي اللي قالوا احمد الحج اتجنن لما عرف ان صابر جوز بنتة عايش وكان متجوز عليها كمان وبقي عمال يلف في البيت وهو بيض*ب كف علي كف طلع تليفونة واتصل ب احمد اللي قالوا انا في العربية ياحاج راجع علي البيت بعد ما احمد وصل هو ومراتة ونعمة الحاج :: احمد تعالي عايزك احمد والحاج دخلوا الأوضة وفضلوا يتكلمو مع بعض اكتر من نص ساعة وبعدين الحاج نده علي نعمة وحكي ليها الكلام اللي قالوا احمد .. نعمة اول ما عرفت انهارت من العياط وجريت علي اوضتها ورشا والحاجة امينة راحو وراها فتحية :: حد يفهمني ياجماعة في ايه زينب :: صحيح هو في ايه يا ابا الحاج ؟ احمد حكي ليهم الموضوع وكلة بقي مستغرب ازاي هو عمل كدة شوية اشواق نزلت هي والحاجة امينة من عند نعمة وقالوا للحاج ان نعمة عايزة تطلق منة ومش عايزة تقعد ولا يوم علي ذمتة الحاج نعمان :: ده اللي كنت عايز اسمعة منها .. بكره هعدي علي محامي واخليه يرفع دعوة خلع . ................... تاني يوم الحاج نعمان سافر القاهرة هو وبنتة نعمة وراحو لمحامي شاطر وحكي له قصة بنتة وجوزها اللي مسافر العراق والمحامي طمنة ان م**ب القضية مضمون جدا وطلب من نعمة تعملة توكيل علشان يبدأ في اجراءت رفع القضية الحاج نعمان قعد في القاهرة يومين لغاية ما عملوا التوكيل والمحامي رفع القضية وبعدين رجعوا البلد ف اليومين دول احمد راح العمدة مصيلحي وطلب منة يشوفلة ممرضة تشتغل معاة ف العيادة والعمدة مصيلحي طلب من سعاد اللي شغالة عندهم ف البيت تشوفلة ف ستات البلد واحدة ترضي تشتغل ف العيادة مع الدكتور احمد ........................................... ڤيلا الحاج كرم .. هجر :: بت يا سامية جوليلي اية الزعيق الزيطة اللي كانت تحت من شوية دي دة انا صحيت علي صوتهم؟ سامية :: دول فلاحين غلابة الحاج كرم ضحك عليهم وخد ارضهم بعد ما خلي الارض تبور وكانو جايين يجابلو ة بس هو مرضييش وخلي سامبو يمشيهم واهم طلعو علي العمدة يشوفلهم حل بس انا سمعت لحاج بيجول ل سامبو لازم يروح جريب يسجل العجود اللي مضي عليها الفلاحين هجر :: يعني هو لسة مسجلهاش ف الشهر ال*قاري عايزاكي تعرفيلي مكان الورج دة يا سامية . سامية :: حاضر يا ست هجر هجر :: في اخبار عن الدكتور احمد ابن اخو الحاج نعمان ؟ سامية :: البت سعاد اللي شغالة عن العمدة مصيلحي جالتلي انة طلب من العمدة يشوفلة ممرضة تشتغل معاة ف العيادة واني كنت اعرف ان اللي شغالة معاة ف العيادة الست اشواج والست نعمة بنات عمو هجر :: طيب اعملي اللي جولتلك علية وتروحي ل سعاد تجوليلها انك عندك واحدة تشتغل مع الدكتور احمد من برة البلد سامية بحيرة :: ودي هجيبها منين ياستي ؟ هجر :: نفذي اللي جلتهولك سامية :: امرك ياستي ولو اني مش فاهمة حاجة خالص ................................... تفتكرو هجر بتخطط ل اية ؟ ولية بتعمل كل دة ؟ واحمد هيعمل اية مع اشواق ورد فعلها هيكون اية لما تعرف اللي احمد قالة للحاجة امينة

Free reading for new users

Scan code to download app

App Store Google Play

Facebookexpand_more