Hindi makatulog si Xion habang nakatitig sa kisame, maraming gumugulo sa kaniyang buong sistema, hanggang unti unting bumabalik sa isipan ang maliligayang sandali ng nakaraan nila ni Desiree.
“Kuya, anong gagawin natin dito?”
“Nagustuhan mo ba ang lugar baby?”
“Yes, ang ganda, sariwa ang hangin at maganda ang lugar na ito.”
“Dito tayo magpapatayo ng bahay at sa lugar na ito palalakihin ang magiging mga anak natin.”
“I love you Kuya.”
“Mahal na mahal din kita baby ko,” niyakap niya ito sa likoran at ipinatong ang baba sa balikat nito. Pangako niya sa sarili na ito lang ang babaeng kaniyang mamahalin. Anuman ang kahinatnan ng lahat, alam niyang darating ang araw na malalaman ng mga magulang. Ngunit sa ngayon ay ayaw muna niyang mag isip ng maaaring makasira sa bakasyon nilang dalawa.
