Tatiana
KAKATAPOS ko lamang magpa-checkup. So far, wala naman daw problema sa pagbubuntis ko. In few months’ time, maaari na akong mag-paternal DNA at sa mga susunod na buwan ay malalaman ko na rin kung anong kasarian ng anak ko.
Sinabi ng doktor na may kakaiba sa pagbubuntis ko pero sa ngayon ay hindi niya pa masabi dahil masyadong maaga. Baka raw next checkup ko, masabi niya na. Wala naman daw abnormalities kaya’t hindi ako dapat mag-alala.
Kasama ko si Chaos sa aking pagpapa-checkup. Sinabi ko naman sa kanya na hindi niya na kailangang gawin ito dahil alam ko rin na may trabaho siya pero ayaw niyang pumayag. Gusto niya raw na sumama sa akin.
“May hint ka na ba kung sino ang ama?” Iyon agad ang binungad na tanong niya sa akin nang makalabas kaming dalawa ng ospital. Hinihintay na lam
