"تائهه فى بحور عشقه"
الفصل الثامن
وصل ادم بعربيته تحت بيت نرمين ووقف وانتظر نرمين تنزل ومانطقش ولا كلمه
نرمين :- بصت لادم بدموع وقالت برضه مص** على الفراق يا ادم
ادم :- من غير ما يبص ليها انتى اللى وصلتينا للنهايه دى واتفضلى انزلى
نرمين :- ادم انا لاخر لاحظه متمسكه بيك ومش عايزه ابعد عنك اه غلط ومين فينا ما بيغلطش بس انت محاولتش تسمعنى وتعرف اسبابى الخوف ممكن يعمل اكتر من اللى انا عملته
ادم :- بعصبيه خوف ايه اللى بتتكلمى عليه ده انتى واحده انانيه عايزه الكل يد*كى وانتى متديش لحد حاجه عايزه حب وسعاده وحنان وانتى تحرمينى من حقى كأب انتى واحده مش بتفكرى غير فى نفسك انتى لو حبتينى كنتى عملتى اى حاجه علشان تفرحينى حتى لو على حساب نفسك ليه مبصتيش لشهد مرات نادر رغم المرض اللى عندها وممنوعه من الحمل راحت وضحت بعمرها وحياتها والتعب اللى هى هتشوفه من قلبها فى مقابل تشوف اخوكى سعيد ومبسوط
