PARAISO SERIES VI : CLOUD PARAISO

AKALA ni Cloud mula nang iwan niya ang pagiging Paraiso at ang pagiging lehitimong apo ni Don Ignacio mas magiging maganda ang buhay niya sa desisyong lumayo. Nagkamali pala ang binata, dahil nang siya ay umalis at namuhay mag-isa hindi naging madali sa kaniya ang lahat.

Maraming pagsubok ang nakaatang sa balikat nitong siya lamang ang humarap, kabilang na ang ilang kabiguang naranasan sa mga babaeng kaniyang minahal at inakalang panghabambuhay. Labis na nasaktan si Cloud sa lahat ng nangyari sa kaniya, dahil ang hangad niya lang naman ay ang mabuo ang kaniyang pagkatao't mahalin na hindi niya naramdaman sa sarili niyang pamilya

Sa sarili pinangako ni Cloud na hahanapin ang pag-ibig na sasamahan siya sa hirap at ginhawa, lungkot man at saya.

Si Katrina Santos--- hinarap ang lahat ng pagsubok mag-isa, para sa nag-iisang pamilyang natira sa kaniya ang kaniyang kapatid sa ina.

Lahat ng trabaho nagawang pasukin ni Katrina, kahit na ang pagiging isang babaeng mababa ang lipad. Buong higpit na niyakap ni Katrina ang kapalarang 'yon--- gusto niyang mabuhay, ganoon din ang kapatid na nakasandal sa kaniya. Kaya sa sarili pinangako ni Katrina na sa kaniya walang puwang ang pag-ibig, sa isip at puso niya tinatak niyang hinding-hindi siya magmamahal kailanman.

Paano kung ang mundo ni Cloud at Katrina'y magtagpo---may pag-ibig bang mabubuo sa dalawang may iba't ibang paniniwala at pangako sa sarili?

Sino ang mananalo, ang taong hindi naghahanap ng pagmamahal o ang taong sabik mahalin?