Panay ang tingin ni Jayson sa kanyang cellphone, hinihintay niya ang text o kaya message ni Leslie sa messenger, ngunit wala pa rin talaga. Ang huling text nito sa kanya ay noong makauwi ito galing sa Las Piñas, sabi na nga ba niya na may something noon dito. Alam kasi niya na kapag nanahimik ito at halos hindi siya kinikibo may problema nanaman ito o kaya baka galit sa kanya pero ilang beses naman niya itong tinanong ei, sabi nito hindi daw at okey lang daw ito.
"Ano bang nangyayari sa kanya, mahigit tatlong linggo na siyang ganito," napapabuntunghiningang sabi niya sa sarili.
Hindi talaga siya mapakali kaya nagpasya na siyang magtungo sa bahay ng mga ito, bahala na kung galit ito sa kanya, handa niyang harapin ang galit nito. Kesa naman nangangapa siya sa dilim, mas nais na niya iyo
