Kylo’s POV
“Anong nangyari sa iyo, anak? Bakit sabi ni direk ay naaksidente ka?” tanong ni papa sa akin nang umuwi na ito sa bahay. Bigla niyang binitawan ang dala-dala niyang maleta at saka ito lumapit sa akin.
“Galit po ba si Direk?”
Kinuha niya ang kamay ko. Tinignan niya ang nangyari sa akin.
“Hindi naman. Naiintindihan naman nito ang nangyari sa iyo. Saka, isa ka sa sikat na bagong artista ngayon kaya hinding-hindi ‘yun magagalit sa iyo. Anyway, paano ba ang nangyari sa kamay mong ito?”
“Aksidente ko po kasing nasuntok ang bintana ng sasakyan. Kaya heto, nagkasugat ang kamay ko,” pagsisinungaling ko na lang.
“Eh, bakit sabi ni Anor ay badtrip ka raw? Sinadya mo raw suntukin ang bintana dahil nakita mong buhay si Luca at may asawa na ito.”
Hindi ko inaasahang sasabihin pa ni
