Luca’s POV
Halos atakihin ako sa puso nang marinig ko ang alarm clock ko. Oras na para bumangon at gumayak. Hihikab-hikab ako nang kunin ko ang phone sa tabi ng unan ko. May text message na pala si Axel sa akin. “Good morning, Bibi. Gising na, Bibi. Sa loob ng isang oras ay susunduin na kita riyan,” sabi niya.
Kahit inaantok pa ako ay bumangon na ako. Bago ako pumasok sa banyo ay tinawagan ko muna na si Manang Rosita. Sinabi ko sa kaniya na ihanda ako ng almusal dahil aalis ako. Pagkatapos kong maligo ay gumayak na rin agad ako.
Pagbaba ko sa ibaba ay tapos na magluto si Manang Rosita. “Anak, Luca, maaari ko bang malaman kung saan ang tungo mo?”
“Nay, hindi ko pa po alam pa. Magme-message na lang po ako sa inyo mamaya,” sagot ko.
“Huwag mong kalimutan, anak, ha? Magagalit ang mama
