Luca’s POV
Pagkalibing ni papa ay mas lalong maraming nagbago. Wala ring nagawa si Manang Rosita para pasayahin si mama. Simula nang mamatay si papa ay humina na siya nang humina. Gusto ko sanang bumalik sa lumang mansyon para alagaan siya, pero kapag sinasabi kong aalagaan ko siya ay ayaw naman niya. Nagagalit ito at lalo lang humihina kapag nag-aaway kami kaya hinayaan ko na lang kung anong gusto niyang mangyari. Dinadalaw-dalaw ko na lang siya minsan para dalhan ng prutas.
Malapit na ang pasukan sa school. College na kami nila Eli at Landon kaya, heto, paalis kami at papunta na sa school para mag-enroll.
“Ang tagal naman ni Eli?” tanong ko kay Landon. Kanina pa kasi kami dito sa sasakyan. Halos sampong minuto na kaming naghihintay sa kaniya.
“Hindi ko rin alam. Hindi ko siya nasili
