Ang bilis lumipas ng mga araw. Parang kailan lang ng pumirma ako sa kasunduan namin ni Jerviz at ngayon, isang buwan na pala ang lumipas. Wala parin itong balita kung nasaan na ang fiancé niya. Usapan namin na mananatili kaming ganito hanggat hindi pa bumabalik ang girlfriend nito.
Sa loob ng isang buwang pagpapanggap namin, aaminin kong nahulog na ang loob ko sa kanya. Mahirap pigilan ang puso kapag ito na ang umatake sa'yo, idagdag mo pa si kupido na hindi rin nagpahuli at talagang tagos pa sa puso ko ang pana nito.
Kahit anong pilit kong hindi ito mahalin dahil alam kong bandang huli, ako parin ang masasaktan. Ngunit wala na akong nagawa kundi ang mag patangay nalang sa nararamdaman ko. Kung dumating man ang panahong bumalik na ang kanyang girlfriend at handa na itong ayusin kung an
