Ronoel
"P-Pero, h-hindi kasi ako marunong sumayaw," nahihiya kong wika sa kanya. Natawa naman si Bryson sa sinabi ko. Napayuko ako dahil nakaramdam ako ng hiya. Kinuha n'ya ang dalawa kong kamay at iginiya patayo. Napatingin naman ako sa kanya dahil sa ginawa n'ya.
"Sabayan lang natin ang tugtog. I want this night to be memorable." Napapikit ako ng hawiin n'ya ang buhok na humarang sa mukha ko. Hindi na ako tumutol nang hilahin n'ya ako patungo sa gitna. Ipinatong nya ang dalawang kamay ko sa kanyang balikat at ang kanyang kamay naman ay iniyakap n'ya sa beywang ko. Nakaramdam ako ng ilang sa posisyon namin ngayon. Nagsimula na s'yang gumalaw at sinabayan ko naman s'ya. Sinabayan namin ang tugtog. Matagal-tagal din kami sa ga'nung posisyon. Nanatili lamang akong nakayuko, ngunit alam ko
