Ronoel 'Baby... 'baby... 'baby..' paulit-ulit kong basa sa mensahe na pinadala ni Bryson. Ang sarap sa mata at tila kaysarap pakinggan. Abot hanggang tenga ang aking ngiti nang pumasok ako sa loob ng coffee shop. Diretso akong pumasok sa loob ng locker room. Mabuti na lamang ay busy si Glodie kundi ay katakot-takot na tukso naman ang aabutin ko sa kanya. Nag-send muna ako ng mensahe para kay Bryson bago tuluyang lumabas ng locker room. Mapanuring tingin ni Glodie ang bumungad sa akin. Binigyan ko s'ya ng matamis na ngiti. Sinipat-sipat pa n'ya ako nang makalapit na ako sa kanya. Bahagya ko naman inilayo ang aking mukha. "A-anong ginagawa mo?" Nagtatakang tanong ko sa kanya. Inamoy-amoy n'ya pa ako na animo'y aso. "Naku, beshie. I smell something." Kaagad ko namang inamoy ang sarili