Halos umabot sa dalawang oras ang usapan nila ng kanilang buong mag-anak. Kaya nang nagpapahinga na ang lahat ay halos ’di siya magkamayaw sa paghihintay sa kanyang asawa sa kanilang silid.
‘This is it! Masusulo na rin kita ulit, mahal ko.’ Para siyang bata na excited makuha ang kanyang premyo, matapos gumawa ng isang magandang bagay. No words can express how excited he was. Inayos niya ang kama maging ang apakan sa sahig. Pati ang mosquito net ay ’di niya rin pinalampas. Ginamit din niya ang dimmer ng lamp light upang mas maging romantic ang dating ng silid. Tumayo siya sa gilid ng queen size bed upang suriin kung perpekto na ito.
Five minutes . . . Ten minutes . . . Hanggang umabot sa labinlimang minuto ang kanyang paghihintay. Sakto namang bumukas ang pinto ng banyo nang tumingin siya
