Akirah's P. O. V.
Pasimple kong pinagmamasdan si Liam habang abala ito sa paglilinis ng kulungan ng mga baboy. At hindi ko maiwasang humanga sa kanyang kasipagan at talagang wala siyang arte sa trabaho. Sa totoo nga lang nagulat ako nang makita ko siya at nalaman kong isa siyang trabahador dito. Kung saan ang trabaho niya ay medyo nakakadiri. Tiyahin niya pala ang may- ari ng farm na ito pero nagtataka ako bakit iyon naman ang naging trabaho niya. Ang trabaho ko kasi ay mamitas ng mga prutas kung saan ang mga napitas naming mga prutas at gulay ay binabagsak namin sa palengke at doon ubos talaga ito.
"Hoy, Akirah! Wagas ka naman kung makatingin diyan kay Liam! Baka nakakalimutan mo na na may girlfriend na ang lalaking iyan at nagpupunta pa dito!"
Natawa naman ako. "Eh paanong hindi magpu
