Hanabi's P. O. V.
Pagkaalis ni Liam, agad na akong kumilos sa bahay. Kapag kasi may pasok ang dalawang kapatid niya, ako lang ang naiiwan sa bahay dahil hinahatid ito ng mama niya. At kapag ganoon, mabilis akong kumikilos para pagdating ni tita Miriam, nakalinis na ako.
"Wow naman! Talaga pa lang napakaganda sa malapitan ng girlfriend ni Liam!" sabi ng isang babaeng may edad na at may kasama pa siyang isang babae.
Nakatayo sila ngayon sa tapat ng bahay namin kung saan sa gate ng bahay na ito, matatanaw ako. Kumunot ang noo ko at saka lumapit sa gate.
"Hello po... sino po kayo?" tanong ko sa kanila.
Nagtawanan silang dalawa bago nagsalita ang isang babae. "Ay ako lang naman si aling Buricath mo. Ako ang dakilang mata sa lugar na ito. Alam ko ang mga nangyayari dito. Kaya alam ko na ika
