Hanabi's P. O. V.
Sa bilis ng araw na lumilipas, hindi ko namalayan na mag- isang buwan na pala kaming nakatira dito ni Liam. Patuloy naman ang pagvi- video call namin ng mga kapatid niya at mama niya. Mabuti na lang pala talaga at naisipan kong bigyan ng malaking halaga ang mama niya. At ang nakakatuwa nga doon, ginamit iyon ng mama niya para magpatayo ng sari- sari store. Dahil doon, napapaikot ang pera na naibigay ko.
Habang ako naman ay nasasanay na sa farm. Nasanay na ako sa gawain doon kung saan naging trabahador na rin ako at ang trabaho ko ay mamitas ng mga prutas at gulay na ibebenta nila sa bayan.
Abala ako sa aking ginagawa nang tumawag sa akin si Alex. Agad ko namang sinagot ang kaniyang tawag.
"Hello.... kumusta! Bakit napatawag ka?" tanong ko sa kaniya nang sagutin ko ang
