Halos mapatalon sa gulat si Sylvia nang pagbukas niya sa ilaw ng sala ay bumulaga sa kanya ang hindi niya inaasahang mga bisita. Kampanteng nakaupo sa sofa si Hades de Crassus, nakadekwatro ang mga paa, at napapalibutan ng mga miyembro ng Kratos.
Natakot si Sylvia lalo na nang makita ang diklap sa mga mata ni Hades na nagbabadya ng kalupitan. Natataranta siyang lumingap sa paligid. Plano pa sana niyang tumakbo palabas ng pinto, subalit mabilis na itinaas ni Hades ang dalawang daliri sa kaliwa nitong kamay na kanina ay nakalapat sa sentido nito, at bilang tugon sa senyales nitong iyon ay lumapit ang dalawang lalaki at hinawakan siya sa magkabilang siko.
“A-ano ito, Mr. de Crassus? Wala na akong pagkakautang sa iyo, ah? Ipinambayad ko na ang anak ko!” Basag ang boses niya sa labis na nerb
