"Kayo pala, Ate Joy, Kuya Bryan. Pasok po kayo." Masayang iginaya ni Lewis Roy ang mga pinsan.
Pinsang buo niya ang mag-asawa sa magkabilang side. Pinsan niya sa namayapang ama ang Ate Shainar Joy niya at pinsan naman niya sa namayapang ina ang Kuya Bryan Christoph o mas kilala sa pangalang BC.
"Lewis Roy, hindi na kami magpaligoy-ligoy pa. Alam mo naman siguro kung bakit dito ka namin pinuntahan kaysa roon sa bahay. Grandma doesn't know anything yet about Aries Dale. Kaya't dito ka namin pinuntahan," panimula ni Shainar Joy.
"Tama ang Ate mo, Lewis. Ikaw ang alam naming makakapagpauwi sa pamangkin mo. Hindi rin naman siguro lingid sa kaalaman mo na nalalapit na ang anniversary nina Daddy at Mommy. At mas alam mo naman siguro na kailangang kumpleto ang pamilya sa tuwing idinaraos ang k
