12.
Termination paper ang nakahain sa harapan niya ngayon. Hawak niya iyon sa loob ng banyo sa lobby, kung saan siya umiiyak.
Iyon ang kopya na ibinigay sa kanya ni Dennis kanina, at mukhang tototohanin ng matandang yun ang pagpapatalsik sa kanya.
Ang sama-sama ng loob niya. Ang sabi nun, lumapit lang daw siya at magpakumbaba, pwede pa raw na magbago ang isip nun.
Ano ba iyon? Isang uri ng bullying. Dahil hamak siyang janitress ay inapak-apakan siya ni Dennis?
Peste naman na buhay ito. Mamomroblema na nga siya at halos hindi na makakain, dumagdag pa ang matandang ito. Hindi pa alam ni Berna ang nangyari na ito. Maagang umuwi ang kaibigan niya dahil may emergency.
Nasa presinto raw ang kapatid nun dahil nahuli ng pulis na nagtitinda sa bawal na lugar.
Ayaw na niyang makadagdag pa sa
