"Bogs!" Tunog iyon ng galabog.
"Gener!" sigaw ni Lucille.
Malakas na suntok ang pinakawalan ni Gener Montoya, sapul iyon sa kaliwang panga ni Brix. Hindi inaasahan ng binata na gagawin iyon ng negosyante sa kaniya.
Hinatid niya si Maria sa bahay ng mga ito. Kapapasok pa lamang niya sa loob ay sinalubong na agad siya ng kamao ng ginoo.
Gulat na gulat si Maria, tarantang dinaluhan niya si Brix. Inalalayan niyang makabangon ang binata at yumakap siya rito. Hinarang niya ang kaniyang sarili upang hindi na muling magawa pang saktan ni Mr. Montoya ang kaniyang pinakamamahal.
"You're creating too much trouble, young man," anang mayaman na negosyante. "Sweetheart, get Maria from him," utos nito sa asawa na madali namang sumunod. Binaklas nito ang mga kamay ng dalaga na nakayakap sa binata a
