Sue’s pov
HINDI makapaniwala si Sue sa lugar na pinagdalhan sa kanya ni Winston. Maaga pa silang tumulak papuntang Batangas kanina kaya naman wala pang tanghali ay nasa Batangas na sila. Nilibot niya ang mga mata sa paligid. Kumikinang ang mga mata niya habang pinagmamasdan niya ang mga namumungang puno tulad ng mangga at puno ng niyog. May bungalow type na bahay sa gitna ng malawak na lupain. Napapitlag pa siya ng bigla siyang akbayan ni Winston. Paraiso ang lugar para sa kanya.
“What can you say?” tanong sa kanya ni Winston. Napasulyap siya sa lalaki. Masayang-masaya ito dahil sa aura ng mukha nito. Nakakahawa ang kasayahan ni Winston kaya napangiti na rin siya. Sayang ang magandang lugar na nasa harapan niya kung sisimangot lang siya at iisipin
