"Ugh, bakit mong ayaw bumukas?" Galit na tanong ni Emma sa likuran ng sasakyan na para bang sasagot iyon sa tanong niya. Ilang segundo niyang tinitigan ang sasakyan at nang wala pa rin nagbabago ay bumaling ang nanlilisik niyang mga mata sa lalaking hindi malaman kung ano ang gagawin. Napapakamot ito ng ulo habang hindi mapirmi ang paningin sa dalaga, para bang iniiwasan nitong tumitig sa bawat galaw ni Emma para iwasan ang matawa.
"Ikaw, buksan mo nga 'to," singhal ng dalaga habang nakaturo pa sa lalaki. Sa halip na sumunod ang lalaki ay humakbang pa paatras ang mga paa niya para lumayo sa dalaga. Naningkit ang mga mata ni Emma sa ginawang iyon ng lalaki at saka kumuyom pa ang kamao sa subrang panggigigil. Humakbang papalapit sa gawi ng lalaki ang mga paa ni Emma ngunit bago pa man
