"Ayos lang naman sa akin na lumipat pa. Pero ang tanong, ayos lang ba sa'yo ang gusto niyang mangyari? Baka naman sa pagsunod mo sa lahat ng gusto niya ay ikaw itong maging kawawa sa huli, Emma. Hindi ako tumututol sa gusto mong gawin. Nag-aalala lang ako sa pwede mong kahihitnan. Ayaw kong matulad ka sa akin, Emma. Hindi tayo katulad nila. Langit at lupa ang pagitan natin sa kanila kaya dapat lang na matuto kang kontrolin ang sarili mo," mahabang litanya ni Ella sa kaibigan na mariing nakikinig sa kanya.
Tulad ng sinabi ni Xander ay hinatid nga siya nito pauwi sa kanilang apartment. Pero binigyan lang siya ng binata na ilang oras para mag impake dahil mamayang gabi ay lilipat na si Emma sa apartment na nahanap ng binata para sa kanya. Medyo naguguluhan pa ang dalaga sa tunay na hangarin
