Hindi pa man tapos sa pagmamakaawa si Emma ay tumalikod na si Xander sa kanya. Naiwan siyang mag-isa habang umiiyak. Kahit ano pa ang gawin ni Emma ay talagang hindi na magbabago pa ang isip ni Xander. Buo na ang pasya nito na burahin na ng tuluyan ang dalaga sa kanyang mundo.
Mabigat ang mga paa ni Xander na humakbang palabas ng apartment ng dalaga. Naririnig niya ang mga hikbi ni Emma na talaga namang dumudurog ng kanyang puso. Naghahalo ang sakit at ang galit sa kanyang puso. Galit siya sa mga taong pilit na kinokontrol ang kanyang sarili pero mas lalo naman siyang nagagalit sa kanyang sarili dahil wala siyang magawa para ipagtanggol ang sariling kagustuhan. Kailan ba natupad ang sarili niyang kagusutuhan? Sa pagkakaalam ni Xander ay hindi pa nangyari iyon. Palagi na lang ay sinus
