Sa dalawang linggo na pananatili nila Emma at Xander sa bahay bakasyunan ng kapatid nitong si Jethro ay sapat na para maging malinaw ang lahat para sa binata. Sa mga sandaling nakasama niya ang dalaga ay napagtanto nito kung gaano kahalaga sa kanya si Emma. Buo na ang desisyon niya. Handa na siyang ipaglaban ang dalaga laban sa mga tao na gustong hadlangan ang kasayahan niya. Kahit ano pa man ang mangyari ay handa na siyang ipaglaban ang dalaga laban sa mga magulang niya. Ayaw man niyang tanggapin sa isipan nito ang totoo pero alam niyang makasarili ang mga magulang niya. Lalo pa at ang negosyo lang ng mga ito ang iniisip nila.
"Kanina ka pang tahimik. Pwede ko bang malaman kung ano ang gumugulo diyan sa isipan mo?" Malambing na tinig ng dalaga ang pumukaw sa atensyon ni Xander. Agad
