Akmang aalis sa kandungan ni Xander ang dalaga pero maagap na pumigil sa kanya ang matiponong braso ng binata. Bumalik dito ang kakaibang tingin ni Emma pero tanging ngiti lang ang ipinakita sa kanya ng binata.
"Sandali lang, maliligo muna ako," aniya ng dalaga at hinawakan pa ang kabilang pisngi ni Xander. Nakangiting umiling sa kanya ang binata kaya tila ba may kamay na humaplos sa puso niya. Kaysarap pagmasdan ng mga ngiti nito. At hindi magsasawa si Emma na panoorin ang mga ngiti ng lalaking minamahal niya.
"Diyan ka lang. Sabay na tayong maligo," tugon ni Xander. Hindi pa man nakakasagot ang dalaga ay gumalaw na ito at dahan-dahan tumayo habang buhat siya.
"Xander," nagugulat na sigaw ng dalaga pero tanging mahinang pag tawa lang ang naging sagot ng isa. Sa takot na baka mahulo
