Habang lulan ng tumatakbong sasakyan ay mariing nakatitig si Xander sa mukha ng dalaga na ngayon ay payapa nang natutulog mula sa kandungan niya. Malalim na ang pag hinga nito at kasabay ng pag galaw ng sasakyan ay gumagalaw na rin ang walang malay nitong katawan.
"Anong nangyari sa'yo at nagkaganito na ang hitsura mo? Ilang araw lang akong hindi nagpakita pero bakit kumulang na ang timbang mo?" May pag-aalala sa tinig ng binata na saad nito habang nakatitig sa mukha ng dalaga. Pasimple pa siyang natawa nang umawang ang bibig ng dalagang natutulog. Sa halip na makaramdam ng pagkadismaya dahil sa nakikitang lagay nito ay tila ba mas humanga pa ang puso ni Xander dahil nakikita niya ang pagiging totoo ng dalaga.
"Kahit pumayat ka na at lahat, bakit ang ganda mo pa rin sa paningin ko
