Emma
"Ella, kinakabahan ako!" aniya ko na hindi na mapakali pa ang kalooban. Napanguso ako nang tumingin sa akin si Ella at mariin na sinuri ang buong katawan ko, ang walang hiya ay nakahawak pa sa kanyang baba na tila ba nag-iisip ng kung anong bagay. Ilang segundo siyang nakatingin sa akin nang gano'n bago nakangising tumango-tango.
Sumunod ang tingin ko sa kanya nang umalis siya sa harapan ko at lumapit sa lamesa. Pinanood ko siya kung paano maglagay ng alak sa isang baso, kalahati lang 'yon at hindi napuno ng alak ang basong 'yon bago siya naglakad pabalik sa gawi ko na dala iyon.
"Heto, inumin mo nang mabawasan man lang kahit kaunti 'yang kaba mo. Masyado kang seryoso, girl. Simula pa lang ito kaya kailangan mo ng tibay at tapang ng loob. Bawal ang maging mahina sa
