Kinagabihan ng araw na iyon, kaparehong petsa ng magising si Emma na wala sa tabi niya ang binatang si Xander ay nawala na siya ng ganang gumalaw. Hindi nagugustuhan ng dalaga ang pakiramdam na para bang may kulang sa kanya dahil sa ginawang iyon ng binata, pero higit na alam nito na gano'n ang buhay na pinasok niya kaya kahit ano pa man ang kahihitnan ng lahat ay dapat niyang tanggapin iyon ng maluwag.
Buong araw ay hindi rin naka-uwi ng kanilang apartment ang kanyang kaibigan na si Ella. Bagay na ipinagpapasalamat niya dahil ayaw niyang masaksihan ng kaibigan nito ang kamisrablehan na kanyang dinaranas. Pinayuhan na siya ng kaibigan na huwag na huwag magpapadala sa kahit anong tamis ng salitang maririnig mula sa kanilang kustumer pero hindi siya nakinig. Pinagsabihan na siya nito na i
