"Ano'ng sabi mo, Sir? Walang kayong naging pasahero na Isadora De Luna? How come? How it did happened?"
"Iyan po ang totoo, Mr De Luna. Kung nagdududa ka po ay maaari kang pumarito sa mismong estasyon at ipakita ko ang record ng mga pasahero kahapon o ang sakay nang lumubog na ferry boat sa kalagitnaan ng biyahe."
"Pero paano nangyari iyon, Sir? Sigurado akong diyan sa estasyon ninyo siya sumakay. Dahil tumawag pa siya sa akin nang papunta na siya riyan."
Hindi tuloy niya alam kung ano ang una niyang iisipin at gagawin sa oras na iyon. Sumabog na parang bomba ang balitang lumubog ang sinakyang pampasaherong ferry boat ng manugang niyang si Isadora. At ngayon naman ay iba ang sinasabi ng manager sa naturang estasyon. Hindi pa nga nagkakaayos ang mag-asawa ay isa na namang bagyo ang sumub
