"BOSS, ano ang plano mo ngayon? Don't get me wrong bossing, pero ilang buwan na tayong walang ginawa."
Pukaw ni Anton sa amo nilang animo'y nalunok na ang dila. Simula pa nang naglahong parang usok ang inampon nito pansamantala.
"Eh, anong gusto mong gawin ko, Anton? Pumalpak na kayo sa kaso ni Alcovar samantalang napakalaking pera na sana iyon. At ngayon ay nagtatanong ka kung ano ang gagawin!"
Tama naman kasi ito, ilang buwan na silang walang income. Kung mayroon man ay ang ilang night club lamang subalit hindi rin kamahalan sa kadahilanang bagong bukas lamang din.
"Sorry, boss. Huwag ka ng magalit, bossing. Oo, nagkamali kaming pinagkatiwalaan ang baliw-baliwang iyon. Pero sino ba ang mag-aakalang edukado pala ang hayop? Kahit ganoon ang nangyari ay nasa iyo pa rin ang loyalty nami
