[MBI-TWENTY-SEVEN]
LYKA'S POV
NAPABALIKWAS ako ng bangon at kumaripas ng lapit sa pinto. Sumilip ako sa labas. Mukhang galing sa library 'yong pagkalabog ng pinto. Hala ka Lyka! Psh! Wala naman akong ginawa sa kanya ano!
Napahimas naman ako sa tiyan ko. Hindi pa pala ako kumakain. Lumabas ako ng kuwarto at pumanaog. Nawala tuloy ang antok ko dahil sa ginawa niya. Ang init kaya ng tubig, hindi naman 'yong tipong mapapaso ka, 'yong parang magugulat ka lang sa unang dampi ng tubig sa balat mo. Minsan talaga matopak siya. Paano kaya nakatagal si Emily sa kanya. Nagtungo ako agad ng kusina at naghagilap ng makakain. Chicken sandwich lang 'yong ginawa ko. Habang sarap na sarap ako sa pagkain, bumungad naman sa akin ang isang katulong na umiiyak na at may bitbit na bag.
"Teka Manang? Aalis
