الفصل السابع

1544 Words

جاسر لعمر :ايه هتتغدي معانا ولا هتنام عمر :لا هشرب النسكافيه واطلع انام جاسر :انا كمان ماليش نفس هشرب النسكافيه واطلع انام رحيل :دقيقه واحده هعمل لحضرتك نسكافيه جاسر :هتعملي ليه رحيل :امال حضرتك هتشرب ايه جاسر :هشرب ده ثم حمل الكوب الخاص برحيل رحيل :بس انا شربت منه نظر لها جاسر واخذ رشفه من الكوب ثم انصرف والكوب معه دهشت رحيل مما فعله جاسر وظلت تنظر في اثره حتى اختفى من أمام عيونها عمر :رحيل رحيل رحيل __________ اقترب منها عمر وهزها فخرجت من شرودها رحيل :هه بتقول حاجه عمر :ايه يا بنتي روحتي فين رحيل :معاك معاك عمر وهو يرفع حاجبه وينظر لها :اشك رحيل :ايه عمر :انت مش معايا انت مع كوبايه النسكافيه رحيل :قصدك ايه عمر :مش قصدي حاجه شكلنا كده هقعد انا وانت هنا نشكي لبعض كتير رحيل :انت بقيت بتقول الغاز عمر :معلش بكره تفهمي انا طالع انام سلام ذهب عمر وظلت رحيل تفكر في جاسر وتبتسم عندما تذكرت انه اخذ الكوب الخاص بها ثم فاقت من تفكيرها ونظرت للساعه رحيل :ياه الساعه بقت ٤ انا هقوم اذاكر شويه ذهبت رحيل الي المكتب وبدأت في المذاكره عند شهد كانت تجلس في الجامعه مع زميلها فهوشاب سئ حيث انها عودها على تعاطي الحبوب الم**ره ويجعلها تسرق من والدتها الأموال لشراء تلك الحبوب شهد :يلا بقى يا حسن عايزين نمشي حسن :جبتي اللي اتفقنا عليه شهد :ايوه انا عايزه كميه كبيره لاني مش عارفه هعرف اتصرف في فلوس تاني امتى حسن :معلش يا حبيبتي انت عارفه انا لو معايا فلوس مش هتاخر عليكي شهد :عارفه يا حسن بس يلا انا دماغي صدعت ومش قادره اقعد حسن :يلا يا حبيبتي بس انت مش ناويه تغيري الحبوب دي بقي شهد :اغيرها ازاي حسن :سيبي لي نفسك انت بس وانا هجيبلك بقى حاجه تخليكي فوق في السما شهد :تمام انا معاك حسن :اه بس دي ثمنها غالي شويه شهد :طب خلاص خلينا في الحبوب حسن :لا يا حبيبتي مفيش حاجه تغلى عليكي انت لو جربتي الحاجه دي مش هتسبيها ابدا شهد :وانا معاك في اي حاجه بس يلا دلوقت انا مش قادره حسن :طيب يلا على عربيتك اسبقيني وانا هحصلك شهد :بسرعه يا حسن دلفت شهد الي سيارتها ورمت راسها على طاره القياده دلف إليها حسن حسن :ايه يا قلبي انت نمتي شهد :لا فين الحاجه أعطاها حسن كيس صغير به مجموعه من الحبوب شهد :دول بس حسن :ما انت عارفه بقى يا حبيبتي الحاجه كل يوم بتغلي اخذت منه شهد الكيس واخرجت حبه منه وتناولتها ثم أشعل لها حسن سيجاره بنيه اللون حسن :والمسا ده بقى مني ليكي اخذتها منه شهد وهي تبتسم :اهو الحشيش ده اللي هيفضحني حسن :ليه شهد :مهاب كان مره بيكلمني وقالي فيه ريحه حاجه غريبه حسن :وبعدين شهد :هو شك في نفسه لانه بيشرب انا بشم ريحه الحشيش من اوضته بس بعد ما ابيه جاسر رجع مبقاش يشرب في البيت تعرف انا كنت بدخل اقلبه في السجاير والحشيش ولا كان بياخد باله حسن :طب ما تقلبيه في الفلوس كمان عايزين نجيب الحاجات الجديده قامت شهد بخلع خاتم من يدها يبدوا عليه انه ثمين شهد :بقولك ايه اتصرف في ده لمعت عيون حسن عندما نظر الخاتم حسن :بس ده مش كفايه شهد :ازاي ده الماظ الفص اللي فيه قيراط ونص حسن :اما نشوف هيعمل كام بس انت اتجدعني معايا كده وشوفي لنا حاجه كمان شهد :تمام تمام يلا بقى انا هروح حسن :ايه ليه مش هنسهر سوا شهد :لا ما انت عارف من يوم ما ابيه جاسر رجع مفيش سهر بره يلا هتنزل ولا اوصلك حسن :لا انا هنزل سلام نزل حسن من السياره وهو ينظر للخاتم بفرحه ثم قام بعمل اتصال شخص :ايوه حسن :قلبي من جوه هي نوسه فتاه ليل تعمل مع حسن وتقضي معه سهرات غير بريئه وينفق عليها الأموال التي ياخذها من شهد نوسه :عايز ايه مش كنت هتسهر مع الهانم بتاعتك حسن :لا هانم مين ما خلاص قلبتها وطرأتها ومفيش ورايا غيرك يا جميل جهزي السهره النهارده هتبقى سهره ٥نجوم نوسه :شكلك طلعت منها بحاجه حلوه المره دي حسن :الماظ يا روحي نوسه:الماظ يخرب بيتك دا انت شيطان حسن :وانت ايه يا قلبي نوسه :تعالي وانا اقولك يا سونه حسن :جاي لك يا جميل في الفيلا وصلت حنين الي الفيلا تبحث عن رحيل في المطبخ فلم تجدها فقامت بالاتصال بها رحيل :نينو حبيبتي حنين :انت فين مش لقياكي رحيل :انا في المكتب ذهبت إليها حنين وجدتها تذاكر نظرت لها حنين بدهشه :انت بتعملي ايه في مكتب ابيه جاسر رحيل :انا بذاكر جاسر بيه قالي ابقى اذاكر هنا حنين :اه ماشي بقولك ايه هو ابيه عمر هنا رحيل :اه نايم بتسالي عليه ليه حنين :لا ابدا رحيل :مش هتتغدي حنين :هه لا مليش نفس هي الساحره الشريره فين رحيل :خرجت الصبح ولسه مرجعتش حنين :تمام انا هطلع انام سلام رحلت حنين وظلت ليالي تذاكر حتى علبها النوم وغفت علي الاريكه استيقظ جاسر على رنين هاتفه ووجده سامح جاسر :الو سامح :ايوه يا باشا انا جاي في الطريق جاسر :تمام وانا هستناك أغلق جاسر الهاتف وهبط الي المكتب وقام بالذهاب الي المطبخ فوجد داداه سعيده جاسر :مساء الخير يا داداه سعيده :مساء النور يا ابني جاسر :هي رحيل فين سعيده :بتذاكر في المكتب جاسر :طيب تمام لما دكتور سامح يوصل ياريت تيجي وتجبيه المكتب عشان يطمن على رحيل سعيده :حاضر ذهب جاسر الي المكتب وطرق الباب ولكن رحيل لم تجيب دلف الي المكتب وجدها نائمه وخصلات شعرها الحريريه متناثره على وجهها فشرد في جمالها واقترب منها وحاول أبعاد خصلاتها عن وجهها ففزعت رحيل واستيقظت رحيل :جاسر بيه وقامت من على الاريكه جاسر :متخافيش انا كنت جاي اقولك ان دكتور سامح جاي دلوقت رحيل :اه تمام انا كنت بذاكر بس تقريبا عيني غفلت غصب عني جاسر :ولا يهمك قطع حديثهم دلوف سعيده ومعها سامح سامح :السلام عليكم ثم قطع حديثه عندما نظر لرحيل :يا نهار اسود جاسر :في ايه سامح لرحيل :هو انت كنت حلوه كده امبارح رحيل :نعم سامح :مش قصدي انت اصلا كنت حلوه امبارح وانت سخنه وبتفرفري بس انت طلعتي احلى بكتير أوي أوي أوي ايه ده يخرب بيت جمال عيونك ظلت رحيل ترمش بعيونها مرات متتاليه فهي عاده فيها عندما تخجل ترمش بعيونها سامح :كفايه رموشك بتقطع قلبي ابتسمت رحيل سامح :لا الا دي اقترب منه جاسر :ما تتلم بقى يازفت سامح :مش قادر انا ماشفتش جمال كده قبل كده جاسر بغيظ وهو ينظر لرحيل وهي تبتسم على كلام سامح :انت هتتلم في ليلتك دي ولا ألمك سامح :لا خلاص خلاص جاسر :اتنيل شوف شغلك وخلصني سامح :حاضر ممكن يا انسه رحيل :رحيل سامح :يالهوي على الاسم انت حلوه من كله شكلا وموضوعا واسما اقترب منه جاسر وض*به على كتفه :ما تخلنيش اتغابي عليك سامح :خلاص خلاص حبه جد بقى اتفضلي يا انسه رحيل نامي على الكنبه جاسر :تنام ليه سامح :عشان اكشف عليها جاسر :لا هتكشف عليها وهي قاعده على الكرسي واخلص بقى سامح :حاضر طب مش هتطلع بره زي امبارح جاسر :لا جلست رحيل على الكرسي وقام سامح بفحصها وسط نظرات جاسر المشتعله بالغيره انهي سامح عمله سامح :الحمد لله انت احسن دلوقت بس استمري على العلاج جاسر :هي فاقت الصبح وبعد شويه اغمى عليها سامح :ده بس عشان هي ضعيفه والعلاج ثقيل لازم تتغذي كويس وانا هكتب لها على فيتامينات جاسر :تمام خلصت يلا مع السلامه سامح :هي بقت كده مفيش حتى فنجان قهوه رحيل :ثواني وهتكون القهوه جاهزه بعد اذنكم سامح :وكمان هشرب القهوه من ايدك لا بقى دا انا امي دعيا لي ابتسمت رحيل وظهرت غمازاتها ثم انصرفت سامح :اموت انا في الغمازات نظر له جاسر :ولا قوم امشي سامح :ليه كده يا جاسر انا عايز قهوه جاسر :ماشي خرج جاسر من المطبخ وهو يشتعل نارا وتوجه الي المطبخ رحيل :القهوه جاهزه يا جاسر بيه جاسر :هاتيها انا هطلعها رحيل :ما ينفعش جاسر :ليه عشان تطلعيها انت عايزه تسمعي معا**ات الدكتور تاني رحيل :نعم جاسر :وايه الضحك معاه ده وايه شعرك ده أمسكت ليالي خصله من شعرها :ماله جاسر :حرير ابتسمت ليالي وهمس جاسر لنفسه يخرب بيتك يا سامح انا ازاي مخدتش بالي من الغمازات دي رحيل :جاسر بيه ايه لا اه ما تلمي شعرك ده اسمعي مفيش طلوع من المطبخ الا لما الزفت ده يمشي سامعه رحيل:تحت امرك يا جاسر بيه اخذ جاسر القهوه وخرج من المطبخ ابتسمت رحيل ابتسامه سعاده وظلت تغني بتغير عليا ليه مش احنا مش حبايب اللي بيغير على التاني يبقى في غرامه دايب في المكتب وضع جاسر القهوه سامح :فين رحيل جاسر :اطفح وانت ساكت يا اما تمشي سامح :خلاص يا عم ثم اخذ رشفه من القهوه :احلى قهوه جاسر :استغفر الله العظيم سامح :خلاص اهه هطفح وانا ساكت جلس جاسر يشرب القهوه مع سامح حتى لمح شهد وهي قادمه من الخارج فهتف باسمها جاسر :شهد توترت شهد عند سماعها لجاسر وهو يهتف باسمها دلفت شهد الي المكتب شهد :ايوه يا ابيه حضرتك عايزني جاسر :كنت فين لحد دلوقت شهد :كنت كنت في الجامعه جاسر :جامعه لحد الساعه ٩ شهد :اه اصل كان عندي كورس بعد الجامعه جاسر :والكورس ده في كليه آداب شهد : ايه كليه آداب ايه جاسر :انا شفتك امبارح وانت عند كليه الآداب وانا بوصل حنين شهد :اه دا انا كنت مع صاحبتي وقعدت معاها شويه وبعدين رجعت على كليتي جاسر :ماشي يا شهد ياريت تخلي معاد الكورس بدري شويه عن كده شهد :اه حاضر يا ابيه بعد اذنك و انصرفت شهد وكل ذلك كان سامح يراقبها في حديثها وانفعالتها سامح :مين دي يا جاسر جاسر :بنت عمتي سامح :هي تعبانه من حاجه جاسر :لا بتسأل ليه سامح :مش عارف البنت دي مش طبيعيه جاسر :يعني ايه مش طبيعيه سامح :مهو حاجه من اثنين يا اما بنت عمتك مريضه وانتم مش عارفين يا اما جاسر :يا إما ايه سامح :يا اما بتتعاطي حاجه فزع جاسر :ايه م**رات

Free reading for new users

Scan code to download app

App Store Google Play

Facebookexpand_more