Tinulungan ako ni Jaxx na tumayo. Pinahanda niya ang mga gamit ko para sa pag-alis namin.May tinatawagan siya sa kanyang cellphone kaya naman hinayaan ko na siya.
Pagkatapos ng ilang sandali ay nawala na ang kumakatok sa pintuan. Mukhang bodyguards ni Jaxx ang tinatawagan niya para paalisin kung sino man ang mga iyon. Ayoko na rin naman silang labasin. Tama na ang masasakit na salitang natanggap ko sa kanila.
"Let's go," yakag niya sa akin.
Bubuhatin ko sana ang aking mga bag pero pinigilan niya ako. Binuksan niya ang pintuan at sumalubong agad sa amin ang mga bodyguards niya.
Napatingin ako kung nasaan ang kabilang resort. Maraming mga bodyguards doon na nakabantay. Nakita ko si Mama na napaupo na sa buhangin nang makita ako. Agad kong iniwas ang aking tingin. Sobrang rupok ko pa na
