Pagkarating ng mga pulis ay agad bumaba ang tensyon sa buong kapaligiran. Tiniyak muna namin kung safe na ba talaga sa buong paligid. Ayaw naman naming mabulaga kami na mayroon pa palang natirang armadong kalalakihan sa paligid ng aming bahay. Ayaw naman namin na may masaktan kahit isa sa aming pamilya kaya mas maganda kung sisiguraduhin muna namin na safe na sa buong paligid.
Noong nasigurado namin na safe na sa paligid ay agad naman kaming lumabas ng bahay para silipin kung ano ang nangyari sa labas. Wala kaming naabutang mga kidnapper pero maraming dugo at bala na nakakalat. Sa totoo lang ay nakakatakot at nakakatrauma ang ganitong senaryo namakikita, lalo na at nangyari pa mismo ito sa labas ng aming bahay. Hindi ko naman maiwasang isipin na paano kung may isang napinsala sa isa sa am
