Chapter 21
Naihatid na ni Miller si Phoebe sa bahay nito kahit na labag pa sana sa loob niya ang hayaan ito na bumalik sa bahay nito. Ang dami pa nitong ibinilin sa nobya. Inasar pa nga siya ni Phoebe na mistulang Tatay raw dahil sa dami ng mga paalala nito. Tinatawanan lang siya ng nobya kahit na sobrang seryoso naman talaga siya sa lahat ng mga sinasabi niya.
Umuwi rin si Miller sa bahay niya matapos niyang ihatid si Phoebe at nang masigurado niyang ayos na nga ito at wala namang kakaibang umaaligid sa buhay nito o kung ano pa man. Medyo praning siya simula no'ng ma-kidnap silang dalawa. Parang mas gusto na lang niyang magkasama silang dalawa para masigurado niyang totoong maayos nga lang ito. Humugot siya ng isang malalim na buntung-hininga.
Napalingon kaagad si Miller sa cellphone
