Chapter 11
Matapos ang ilang oras na biyahe ay nakarating na rin sila sa wakas sa Pangasinan. Napakasariwa ng simoy ng hangin. At ang puting buhangin, sobrang nakakarelax talaga sa paningin. Napakaganda ng tanawin.
"Iba talaga sa pakiramdam kapag sa dagat ka magsu-swimming eh. Napakaganda ng lugar. Good job ka rito, Grace," nakangiting sambit pa ni Phoebe habang naka-thumbs up pa sa staff niya.
"Mas madali maghanap ng magandang venue kapag malaki ang budget, Dok," nakangiting tugon pa ni Grace kay Phoebe.
Natawa lang din naman si Phoebe. Malaki ang budget, oo. Kasi malaki rin naman ang income ng clinic nila nitong mga nakaraang buwan. Sobrang dumog ang pasyente. Maraming nagrefer sa clinic nila. Kaya pasasalamat niya ito ngayon sa mga staff at dentist niya. Siyempre, bukod sa bonus na
