LAURA’S Point of View
She knows how to act. Sa harap ni GM Joko, nagsimula na itong mag-drama. Mangiyak-ngiyak itong tumakbo papunta sa lalaki. Napasinghap ako pero walang takot sa aking puso. Hindi ako natatakot sa sasabihin ng iba dahil alam kong nasa tama ako. Ang pinaka ayoko lang ay palabasin akong mali.
"GM Yu, hindi ko na talaga kaya ito!" singal nito. "Saan mo ba nakita ang temporary worker na iyan? Bastos at walang galang!" Inirapan ako. "Tignan mo yung ginawa niya sa akin!" Ipinakita niya ang kanyang basang damit.
Nagmamaktol ito, kaya naman hindi na napigilan na magtanong ni Sir Joko.
"Anong problema?" tanong nito.
Itinuro ako ni Rhea.
"'Yang babaeng yan, pinuntahan ako at inaway. Pinababayaran niya sa akin ang mga medical expenses niya dahil natapunan ko siya kahapon ng
