Zelan’s POV
Bakit ba kasi sa dinami-rami nang ipagagawa sa amin ni mama, ito pa? Hindi ako sanay sa ganito. In my entire life, this is the first time I’ve experienced something like this. Hawak-hawak ko ang listahan na binigay sa akin ni Manang Selya kanina sa mansiyon. Nandito na kami ngayon ni Cacia sa mall. Mamimili kami ngayon ng grocery namin para sa bahay. Simula raw ngayon, kami na palagi ang gagawa nito. Kaya habang nandito kami ni Cacia, at tulak-tulak ko itong malaking cart, banas na banas ako.
Hindi ko na dapat susundin ang gusto ni mama, kaya lang nasa likod kasi siya, nanunuod lang sa amin ni Cacia kung ano ang ginagawa namin dito sa grocery store. Akala ko pa naman kanina ay mga tauhan lang niya ang sasama sa amin para tignan ako. Kung sila lang ang kasama namin dito, kayan
