Kabanata 17
KABADONG-kabado si Angel nang ipasok na siya sa operating room. Alam na alam niya iyon dahil nakikita niya ang kanyang heart beat sa monitor.
"Everything will be alright, Miss Angel. Huwag kang kabahan, magtiwala ka lang sa Diyos at magtiwala ka rin sa amin," ani ng isang doktor.
"Maraming salamat, Doc... sobrang laki po ng tiwala ko sainyo at alam kong gagabayan tayo ng Diyos ngayon," aniya. Pagkatapos na sabihin iyon ni Angel ay ipinasok na ang katawan ni Myla. Mas lalo pang kinabahan si Angel. Bumangon ang kilabot sa buo niyang katawan. Nakatingin lang siya sa walang malay na katawan ng babae.
Sa isip-isip ni Angel ay nanghihingi siya ng tawad kay Myla. Kahit papaano ay nagi-guilty siya sa kadahilanang mabubuhay siya at ang babae ay tuluyan na talagang mawawala.
Halos
