KINABUKASAN ay naging abala ang lahat nang dumating ang siyang ferry boat na sinasakyan ng team ni Londyn sa photoshoot na magaganap. Maghapon ang mga itong abala at sa tuwing napapasilip si Nadja ay napapahanga siya sa nakikita niyang mga daring poses ni Londyn sa tubig suot ang isang kulay pastel na one piece swimsuit, habang kinukuhanan ito ng mga litrato ng photographer. With a wet look. She look like a siren goddess. Ang mga mata nito’y nang-aakit na tumitig sa camera.
Nang magpahinga ang lahat ay pinapunta niya ang team ni Londyn sa cottage upang doon mag-merienda. Pagkatapos ay hinayaan na niya ang mga ito at bumalik na sa kusina.
Nang papasok siya sa likod kusina ay nakita niya ang lalaking photographer na hila-hila nito sa kamay ang pinsan niyang si Londyn. Lumingon pa ang mga
