PAGDATING sa cottage ay naagaw nila ang masinsinang pag-uusap ng dalawang lalaki sa railing.
Lumingon ang mga ito at sinalubong sila, bitbit ang mga kanya-kanyang bouquet of flowers.
Inabot ni Londyn ang isang palumpon ng bulaklak na binigay ng nobyo. Nagpasalamat at ginawaran ito mapintog na halik sa labi.
Nang mahuli siya ni Rigo na nakatingin ay kaagad niyang iniwas ang paningin sa mga ito at ibinaling ang atensiyon kay Diego na palapit sa kanya.
"Babe," masayang wika nito. Ang hawak din nitong bulaklak ay iniabot sa kanya. At sa salik na nais maalis ang awkwardness ng mga oras na iyon ay kunway malugod niyang tinanggap ang bulaklak na iniabot ng kaibigan.
Nagpasalamat siya.
"Aba! Havey at ang sexy mo tonight ah!” puri nito sa kanya at napasinghap sa nakitang ayos ng kaibigan. “M
